Emmanuelle Braza

dilat – pagbukas ng talukap ng mata

irap – tingin na galit, mapangutya, o malungkot

kita – natatanaw o naaabot ng paningin

lingat – pagbabaling ng paningin

lingon – pagtingin sa dakong likod sa pamamagitan ng pagpihit ng ulo at gawing itaas ng katawan

lingos – paglingon mulang isang panig hanggang sa kabilang panig

malas – pagtutuon ng tingin sa isang bagay

manman – magbantay o bantayan; tiktikan o maniktik

masid – masusi at maingat na pagtingin sa isang tao o bagay lalo na upang makagawa ng pagsusuri o makalikom ng impormasyon

matyag – pagmamasid sa paligid at sa bagay-bagay katulad ng gawain ng bantay at espiya

nood – pagsubaybay sa paraan ng tingin sa isang pangyayari o pagtatanghal, lalo na bilang paglilibang

obserba – panoorin, masdan

pikit – pagsasara ng mata

silay – tingin o pagtingin nang madalian

silip – pagtingin sa butas o pagkaita sa pamamagitan ng butas o siwang ng bintana

sulyap – panandalian o mabilis na pag-uukol ng tingin sa isang bagay

sungaw – sumilip mula sa anumang butas

tanaw – anumang maaabot ng paningin

tingala – nakatingin sa dakong taas

tingin – pagtuon ng mata sa isang bagay o dako

titig – masidhi at matagal na tingin

tutok – titig